اسلام آباد – 13 مارچ (اي پي پي) اطلاعات ۽ نشريات ۽ قومي ورثي جي مملڪتي وزير مريم اورنگزيب چيو آهي ته تحريڪ انصاف طرفان عوام ۾ غلط تاثر پکيڙيو پيو وڃي ۽ سوشل ميڊيا تي منفي مهم هلائي سپريم ڪورٽ جي فيصلي تي اثر انداز ٿيڻ جي ڪوشش ڪئي پئي وڃي، عمران خان جي حق ۾ فيصلو نٿو اچي ته هو الزام بازيون ڪري ٿو. دانيال عزيز سان پريس ڪانفرنس کي خطاب ڪندي مملڪتي وزير چيو ته پاناما ڪيس جو فيصلو سپريم ڪورٽ کان اچڻو آهي ۽ فيصلو اچڻ کان اڳ ۾ ئي قياس آرايون شروع ڪيون ويون آهن، هن چيو ته جڏهن اليڪشن ڪميشن ڪا اهڙي ڳالهه ڪري جيڪا عمران خان خلاف هجي ته چيو وڃي ٿو ته اليڪشن ڪميشن مسلم ليگ (ن) جي آهي، وزيراعظم پاران وڏن منصوبن جون ربينون ڪٽڻ سان عمران خان کي تڪليف ٿي رهي آهي.
مضمون کا ماخذ : لاٹری کی موبائل ایپ
