اسلامو فوبیا دے خلاف قرار داد منظور تھیوݨ وݙی کامیابی اے، 27 مارچ کوں قوم سچ اتے حق کیتے گھرو نکلے، وزیراعظم عمران خان دا سوات جلسے نال خطاب

APP77-160322 SWAT: March 16 - Prime Minister Imran Khan addressing a public gathering in Saidu Sharif. APP

اسلامو فوبیا دے خلاف قرار داد منظور تھیوݨ وݙی کامیابی اے، 27 مارچ کوں قوم سچ اتے حق کیتے گھرو نکلے، وزیراعظم عمران خان دا سوات جلسے نال خطاب
سیدو شریف۔16مارچ(اے پی پی)وزیراعظم عمران خان آکھیے جو دہشت گردی کوں اسلام نال جوڑݨ اتے نبی کریم ۖ ﷺ دی شان اچ گستاخی دے خلاف ڄڳ دے ہر فورم تے موثر آواز چاتی اے جیں پاروں اقوام متحدہ ہر سال 15 مارچ کوں اسلامو فوبیا دے خلاف عالمی ݙینھ م??اوݨ دی قرارداد منظور کیتی اے اتے اے وݙی کامیابی اے، آوݨ آلے ݙینھ م??ک دی تقدیر دا فیصلہ کریسن، 27 مارچ کوں قوم سچ اتے حق کیتے گھرو نکلے اتے اسلام آباد پڄے، عوام ݙسا ݙیون جو او چور، لٹیراں، ڈاکو??ں اتے منافقاں دے خلاف کھڑن۔ عمران خان امریکی صدر سودھا عالمی حکمراناں دی اکھ اچ اکھ پا تے الیندے، الیکشن کمیشن کولو پچھو جو کیا پیسے دی تݙ تے اراکین اسمبلی دے ض??یر ملھ ڳھنݨ دی قانون اجازت ݙیندے؟ 3 دے ٹولے کوں ݙر اے جو عمران خان ٻیا اقتدار اچ ریہا ت??ں انہاں دا مقدر جیل ہوسی بھل انہاں دیاں ہکی بال تے 3 وکٹ??ں اݙیساں۔ او سیدو شریف سوات اچ عوامی جلسے نال خطاب کریندے پئے ہن۔ وزیراعظم آکھیا جو سوات دے لوک بلدیاتی انتخابات دے ݙوڄھے مرھلے اچ بلے تے ٹھپہ لاون، اس??ں اے انتخاب جیتݨے تہوں ڄیڑھے ساݙی کارکن آزاد امیدوار ہین او ٻیھ ونڄن۔ وزیراعظم آکھیا جو اسلامو فوبیا دے موثر آواز چاوݨ توں بعد اقوام متحدہ ولوں اسلاموفوبیا سانڳے قرارداد دی منظوری تے پورے ڄڳ توں مبارکی دے فون آندے پن۔ وزیراعظم آکھیا جو فضل الرحمن 30 سال توں مذہب دے ناں تے سیاست چمکیندے پن، کیا انہاں کتھائیں ایندے تے ہک لفظ وی آکھیے؟ جیکوں تساں “یہودی لابی ” آکھ تے لوکاں کوں اکسیندے او، اوں ت??ں اسلام آتے مسلم امہ کیتے او کر ݙکھائے ڄیڑھا تساں 30 سال نوے کر سڳیے جو 1973ء اچ قادیانیاں کوں اقلیت قرار ݙیوݨ توں بعد اے سب توں وݙا کم تھئے، ترائے ترائے واری اقتدار دے جھوٹے ڳھنݨ آلے ایندے تے کیوں چپ رہین؟ کیوں جو غلام ذہنیت دا کوئی عقیدہ نئیں ہوندا، کلمہ انسان کوں اے طاقت ݙیندے جو او کہیں دے اڳو نہ جھکے، جیکر میݙیاں ٻاھرو چوری دیاں جائیداد??ں اتے مال ہوندا تاں مین وی پرچی نپ تے امریکی صدر دے اڳو ٻیٹھا ہوندا، تہوں پاکستان ڄڳ اچ رسوا تھیندا رہے، ساݙے حکمران ذاتی مفادات اتے چوری کیتے ملک و قوم کون مقروض سٹ تے نس ڳین۔ انہاں آکھیا جو لوک ڄاݨ ونڄن جو اے 3 دا کرپٹ ٹولہ ہک ٻعے دا وی مخلص نئیں اتے میں انہاں دا کٹھا شکار کر تے ݙکھیساں، اے عناصر ملک دی ترقی نال خوفزدہ ہین۔ وزیراعظم آکھیے جو ساݙی حکومت دی کارکردگی کوں پچھلیاں حکومتاں دی کارگزاری نال پرکھیڄے ت??ں اساں سب توں اڳو ہوسوں، اساں ملک ݙیوالہ تھیوݨ تؤں بچائے، کرونا دے باوجود سماجی اتے معاشی بحالی ممکن ٻݨائی اے، ریکارڈ برآمدات، ریکارڈ ٹیکس وصولیان جیندے پاروں پٹرول اتے بجلی دے مل اچ ریلیف ݙتے، ٹیکسٹائل مصنوعات دی برآمدات وی ریکارڈ سطح تے ہین، زرعی شعبہ اڳو تے ??دھ??ے اتے 4 وݙیاں فصلاں دی ریکارڈ پیداوار تھئی اے، آئی ٹی دی برآمدات ریکارڈ رہین، ماحولیاتی تبدیلی، ݙیماں دی تعمیر ڄھیں اقدامات ٻیاں کہیں نئیں کیتے۔ وزیراعظم آکھیے جو ساݙی بدقسمتی اے جو 3 واری ملک دے وزیراعظم رہݨ آلے دے ٻال، ڄیڑھے بیرون ملک وسدن، آہدن جو اساں پاکستانی شہری نسے، لندن اچ ڄائیداداں دی ہک رسید وی نئیں ݙے سڳدے، انہاں کوں ݙر اے جو منی لانڈرنگ تے جیل نہ ٻل ونڄے۔ وزیراعظم آکھیا جو سارے مجرم کٹھے تھی تے ض??یر دے سوداگر ٻݨٰے ودن، لوک امر بالمعروف اتے نہی عن المنکر تے چلن، جتھاں چوری دے مال نال ضمیر وکدے پئے ہوون اتھ??ں اٹھ کھڑا تھیوݨ فرض اے۔