اسلام آباد 17 اګست (اے پي پي)د خزانې وفاقي وزير مفتاح اسماعيل د دې عزم څرګندونه كولو سره وئېلي دي حكومت به د ايران سره د تجارتي اړيكو وده په سنجيدګۍ سره جاج اخلي٬ايران او پاكستان دې د بينكنګ چينل او ادائيګۍ نظام پېل كړي نو راتلونكو دوه كلونو كښې به د دوي تجارت يو په دوه شي۔د دې خيالاتو څرګندونه ده د شورو په ورځ د ايران او پاكستان ترمينځه شريك اقتصادي كمېشن 21مې غونډې په موقع”ارنا”ته د يوې خاص مركې وركولو په مهال كړی۔ده د دواړو هېوادونو ترمينځه د شريك اقتصادي كمېشن غونډې په موقع د سرمايه كارۍ٬توان او د لوبو مرستې زياتولو هركلي كولو سره د دې عزم پخلے وكړو چې د پاكستان حكومت به د ايران سره د تجارتي اړيكو ودې په سنجيدګۍ سره جائزه اخلي۔ده ووئيل د دواړو ګاونډيانو هېوادونو ترمينځه د تجارتي او اقتصادي اړيكو بې شمېره صلاحيتونه موجود دي او د پاكستان موجوده حكومت د دې مقصد ترلاسه كولو لپاره سنجيده عزم لري۔ د تېرو دوه اوونيو په مهال د پاكستان لخوا د ايران څخه شريك تجارتي حجم په كمه موده كښې 500 ملين ډالر يا تر 500 ملين يورو زياتولو تجويز يادګېرنې سره ده ووئيل د پاكستان سټېټ بېنك مشر په دې پروژه د عمل كولو ذمه وار دے دغسې چې هغه دې خپل ايراني هم څنګ سره شريك تجارتي حجم زياتولو لپاره آسان او تعميري پروژو باندې كار وكړي۔وفاقي وزير ووئيل د ايران او پاكستان ترمينځه تجارتي لين دين امكانات ډېر دي او مونږ په تېر حكومت كښې د قامي كرنسۍ د لارې شريك تجارتي حكم زياتولو له تجويز وركړے ؤ او په دې اړه ما د سټېټ بانك څخه غوښتنه كړې چې هغه دې د منصوبې نفاذ لپاره زر تر زره د ايران خپل هم څنګ سره خبرې وكړي۔ده ووئيل زما په خيال د ايران او پاكستان ترمينځه د تجارت آسانۍ لپاره په سفري لارو كښې به اضافه كول وي٬په بلوچستان كښې به مسافرو لپاره نورې آسانۍ وركول وي۔د خزانې وفاقي وزير ووئېل پاكستان ته د ګاز او برېښنا تر ټولو زيات ضرورت دے او ايران په آسانۍ سره زمونږ ضروريات پوره كولې شي۔ده ووئيل د اسلامي جمهوريه ايران او پاكستان ترمينځه ښه او قوي اړيكې موجود دي خو د افسوس خبره ده چې د دواړو هېوادونو ترمينځه د تجارتي اړيكو كچه د كلتور٬سياسي او مذهبي اړيكو كچې په مقابله كښې د قبلولو وړ پوزېشن كښې نه ده ۔ده ووئيل ايران ډېر څېزونه جوړوي او پاكستان د هغوي څخه خپل ضروريات پوره كوي او د دې په مقابل ګښې مونږ هم ځينې مصنوعات ايران ته برآمد كوو٬ايران سره به د تجارت لين دين مېكنزم باضابطه وي۔ده ووئيل ايران سره زمونږ تجارت د حقيقي صلاحيت له مخې نه دے او دا به هر دوه كاله پس يو په دوه كول وي خو كه ايران او پاكستان بينكنګ چينل او د ادائيګۍ نظام پیل كړي نو راتلونكو دوو كلونو كښې به زمونږ تجارت يو په دوه شي۔
حكومت به ايران سره د تجارتي اړيكو د ودې جاج اخلي۔د خزانې وفاقي وزير مفتاح اسماعيل”ارنا”سره مركه
مضمون کا ماخذ : کوئٹہ لاٹری
متعلقہ مضامین
