اسلام آباد – 10 جنوري (اي پي پي) وزيراعظم محمد نواز شريف وفاقي گادي واري شهر ۾ پشاور موڙ کان نيو اسلام آباد ايئرپورٽ تائين نئين ميٽرو بس جي فوري تعمير جي هدايت ڪئي آهي جڏهن ته هو 14 آگسٽ تي نئين اسلام آباد ايئرپورٽ سان گڏوگڏ نئين ميٽرو بس سروس جو به افتتاح ڪندو. وزيراعظم سان مواصلات ڊويزن واري سيڪريٽري ۽ اين ايڇ اي جي چيئرمين شاهد اشرف تارڙ وزيراعظم هائوس ۾ ملاقات ڪئي ۽ کيس ملڪ ۾ جاري رستن جي منصوبن تي اڳڀرائي بابت آگاهه ڪيو. ان موقعي تي وزيراعظم چيو ته ملڪ جي گڏيل سماجي ۽ اقتصادي ترقي ۽ ڏورانهن علائقن کي آسان پهچ فراهم ڪرڻ جي لاءِ رستن جو ڄار وڇائڻ لازمي آهي جنهن سان واپار ۽ معاشي سرگرمين جي لاءِ وسيع اقتصادي موقعا پيدا ٿيندا.
مضمون کا ماخذ : فنکی پھل
