اسلام آباد 10 ستمبر (اے پي پي) خارجه وزير مخدوم شاه محمود قرېشي وئيلي دي چې نړيوالې ورورولۍ له به په افغانستان كښې د انساني بحران اندېښنې مخنيوي له په انساني بنيادونو سمدستي مرسته باوري كول وي۔ وفاقي وزير دا خبرې د جمعې په ورځ په خارجه وزارت كښې د پاکستان او سپېن ترمېنځه د پلاويو په كچه د مذاكراتو په مهال وكړې۔ د پاکستان پلاوي مشري خارجه وزير مخدوم شاه محمود قرېشي او د سپېن د پلاوي مشري خارجه وزير جوزے البرس كوله۔ د خارجه دفتر له مخې خارجه وزير ووئيل پاکستان او سپېن ژور دوه اړخيزه مراسم لري٬ سپېن د اروپائي ائتلاف مهم هېواد په حېث زمونږ لپاره د خاص اهميت وړ دے۔ شاه محمود قرېشي ووئيل د افغانستان پحقله لګولې شوې ټولې اندازې غلط ثابت شوې، افغانستان كښې په دې وروستيو كښې د بدلون په مهال چې د كومې كورنۍ جګړې د اندېښنې څرګندونه كېده ھغه په ظاهره اټاله شوې ده او د طالبانو لخوا عام معافي، د افغانانو د حقونو تحفظ په اړه رامخې ته شوې ابتدائي بيانونه د ډاډ وړ دي ۔ خارجه وزير ووئيل پاکستان په افغان امن عمل كښې د روغې جوړې بشپړه كردار لوبولې، د څلورو لسيزو نه پس په افغانستان كښې د امن هيله پېدا شوې ده كومه چې د لاسه وركول پكار نه دي، په دې نازك پړاو كښې كه سمه پرېكړه ونه كړې شوه او افغانستان تنها پرېښودې شو نو د دې به سخت مضمرات رامخې ته شي۔ مخدوم شاه محمود قرېشي ووئيل مونږ دا پرېكړه كړې ده چې د افغانستان ګاٶنډي هېوادونو له به د سباؤن متفقه لائحه عمل خپلول وي۔ ده ووئيل پاكستان د 30 نه د زياتو هېوادونو 12 زره كسانو كابل څخه په محفوظه انخلاء كښې مرسته كړې ده۔ ده ووئيل نړيوالې ورورولۍ له به په افغانستان كښې د انساني بحران د اندېښنې لاره نيولو لپاره په انساني بنيادونو سمدستي مرسته باوري كول وي٬ د افغانستان په انساني بنيادونو معاونت دې مشروط نه كړے شي۔ مخدوم شاه محمود قرېشي ووئيل د افغانستان امن او استحکام او بيا رغونې لپاره د نړيوالې ورورولۍ معاونت ضروري دے۔ شاه محمود قرېشي ووئيل پاکستان د افغانستان په صورتحال كره نظر ساتلې دے٬ او د دې نه علاوه مو د منطقې او نړيوالې ورورولۍ سره د مشاورت لړۍ هم روانه ساتلې ده۔ شاه محمود قرېشي ووئيل زه خوشحاله يم چې ستاسو دا دوره په يو داسې وخت كښې كېږي كله چې د پاكستان او سپېن ترمېنځه د كاميابو سفارتي اړيكو اويا كاله بشپړېدونكې دي٬ سپېن په اروپائي ائتلاف كښې د پاكستان درېم لوے تجارتي شراكتدار دې او د دواړو هېودونو ترمېنځه تجارت، سرمايه کاري، ټېکنالوجي، صحت او د دفاعي پېداوار پشمول په يو شمېر څانګو كښې دوه اړخيزه اړيكو ته د ودې وركولو بلها موقعې موجود دي۔ خارجه وزير هيله ولرله چې سپېن به د پاکستان مسافرو لپاره “ټرېول اېډوائزري” ته بيا كتنه وكړي۔ د سپېن خارجه وزير البرس په تود هركلي كولو د خارجه وزير مخدوم شاه محمود قرېشي مننه وكړه او سپېن كښې د مېشته پاكستاني كمېونټي د مثبت كردار ئې ستائنه وكړه۔ دواړو خارجه وزيرانو د پاكستان او سپېن ترمېنځه سياسي مشاورتي مېكنزم لا فعاله كولو د خپل عزم پخلې وكړو
نړيوالې ورورولۍ له به په افغانستان كښې د انساني بحران اندېښنې مخنيوي له په انساني بنيادونو فوري مرسته باوري كول وي۔ د مخدوم شاه محمود قرېشي د سپېن خپل همڅنګ په مشرۍ كښې پلاوي سره خبرې
مضمون کا ماخذ : بولو دا میگا سینا
متعلقہ مضامین
