اسلام آباد۔24اکتوبر(اے پی پی) وزیراعظم محمد شہبازشریف ملک کوں پولیوتوں پاک کرݨ سانڳے جاناں دا نذرانہ ݙیوݨ آلے ہیلتھ ورکرز حقیقی ہیرو قرار ݙیندے آکھیے ملک کوں پولیو دے مرض توں پاک کرݨ سانڳے اساکوں ھک مٹھ تھی تے نویں سرے توں کوششاں یقینی بݨاوݨیاں ہوسن ، پولیوفری پاکستان دے ضمن اچ پیش آندے چیلنجز نال نبݨݨ سانڳے غیرمتزلزل اتے پکے عزم نال کم کرݨا ہوسی ۔ اے ڳالھ انھاں انسدادپولیو دے جگ ݙیھاڑ تے منعقدہ تقریب توں خطاب اچ آکھی ، وزیراعظم ٻالاں کوں پولیودے قطرے پلیندے 28اکتوبرتوں انسدادپولیو دی قومی مہم دا باضابطہ آغازوی کیتا۔ وزیراعظم آکھیے اڄ اساں انسدادپولیودا جگ ݙیھاڑ ایں تلخ ح??یقت نال منیندے پیوں جو ملک اچ ھک واری ول پولیووائرس دے کیس سامݨے آئن ،اساں سارے ایں تے آگاہی سانڳے اتھاں جمع ??ھیوں ایں لعنت اتے صحت دے عالمگیرچیلنج کوں مکاوݨ سانڳے اساکوں ھک واری ول آپݨی کوششاں تے ٹیم ورک نال رل تے ایں جنگ اچ کامیابی نال کم کرݨا ہوسی، اساں ماضی اچ وی ایں حوالے نال کم کیتا ہئی تے مستقبل اچ وی کریسوں اساکوں ایں رستے اچ پیش آندے چیلنجز نال نبݨݨ سانڳے غیرمتزلزل اتے پکے عزم نال کم کرݨا ہوسی تاں جو ملک کوں وختی پولیو توں پاک کیتا ونڄ سڳے ۔وزیراعظم آکھیے اڄ دا ݙینھ اساکوں تاریخ اچ انھاں لکھاں ٻالاں دی یاد ݙویندا پئے جیڑھے پولیو مرض دا شکار تھئن تے بعد اچ آپݨے خانداناں تے ٻوجھ بݨ ڳئن ، اے ݙینھ اساکوں مرض مکاوݨ سانڳے آپݨی کوششاں کوں ول مجتمع ??ھیوݨ تے رل تے کم کرݨ دی وی یاد ݙویندا پئے ۔ وزیراعظم ملک اچ پولیو مکاوݨ سانڳے تعاون کرݨ تے بین الاقوامی اداریں بالخصوص عالمی ادارہ صحت، یونیسیف اتے بل اینڈمیلنڈاگیٹس ??او??ڈیشن دا شکریہ اداکیتا تے آکھیے اساں پاکستان کوں پولیوتوں پاک کرݨ سانڳے پرعزم ہیسے، پوری قوم پولیو دے خلاف جنگ اچ جاناں قربان کرݨ آلے حقیقی ہیروزدی تعریف کریندی اے ، انھاں ہیروز ٻہوں اوکھے حالات اچ آپݨی جاناں کوں ہتھیلی تے ر??ھ تے پولیو مکاوݨ سانڳے آپݨا کردار نبھایا اے او لوک ہن جنہاں آپݨے ٻالاں کوں تاں یتیم کرڳھدا مگر ساݙے ٻالاں کوں پولیو توں بچاوݨ سانڳے تاریخ اچ آپݨا ناں سنہرے حروف نال رقم کرڳئن۔ پولیو ورکرز قوم دے مجاہد ہیروزہن تے پوری قوم انہاں کوں یادرکھیسی ۔ وزیراعظم آکھیے بدقسمی نال پولیو دے 40کیسز سامݨے آئن ایں ویلھے تئیں آرام نال نہ ٻہسوں جݙاں تئیں اے وائرس پاکستان دیاں سرحداں توں ٹر نی ویندا ، اے ھک چیلنج اے اتے اساں ایں کوں قبول کیتے ، پولیوورکرز ایندا ہراول دستہ اے۔وزیراعظم آکھیے بل گیٹس نال ملاقات اچ انھاں پاکستان سان??ے سارے وسائل ݙیوݨ دا عزم کیتا ، سعودی عرب وی کئی سوملین ڈالردا اعلان کیتے جیں تے اساں سعودی ولی عہد محمدبن سلمان داشکریہ اداکریندوں ۔وزیراعظم آکھیے بدقسمتی نال پولیووائرس پاکستان تے ہمسایہ ملک افغانستان وچ اے اے اساں سانڳے فکر کرݨ دی لوڑھ تے چیلنج اے ، میں سمجھداں پولیوکوں مکمل شکست ݙیوݨ سانڳے اساکوں عرق ریزی اتے محنت نال کم کرݨا ہوسی ۔ ایندے توں پہلے وزیراعظم دی فوکل پرسن عائشہ رضافارق تقریب توں خطاب کریندے آکھیے پولیودا مقابلہ کرݨ سانڳے مربوط حکمت عملی بݨائی ڳئی اے، وزیراعظم دی ہدایت تے اساں ایں ݙینھ کوں انھاں ورکراں دے ناویں کرݙتے جنہاں پولیو مکاوݨ اچ آپݨیاں جاناں ݙتن اساں انھاں کارکناں دیاں قربانیاں کوں خراج تحسین پیش کریندوں۔ انہاں آکھیے ستمبراچ زیلی مہم دے دوران 33ملین ٻالاں کوں قطرے پلائے ڳئن ، 28اکتوبر توں نویں مہم اچ 45ملین بالاں کوں پولیودے قطرے پلائے ویسن ایں مہم اچ 4لکھ پولیوورکرز حصہ گھنسن پولیو منڈھوں مکاوݨ سانڳے اساں کوں اجتماعی ذمہ داریاں نبھاوݨیاں چاہیدن ، انھاں پولیومکاوݨ سانڳے وزیراعظم دے وژن اتےعزم اتے معاون اداریں دی تعریف کیتی ۔وزیراعظم دے رابطہ کارڈاکٹرمختاربھرتھ آکھیے اڄ دا ݙینھ پاکستان سانڳے اہمیت رکھیندے ،پہلی واری وزیراعظم ایں نوعیت دی مہم اچ خودشامل ہن ، وزیراعظم کوں پولیو مکاوݨ اچ خصوصی دلچسپی اے اتے ہرمثبت کیس دی انھاں کوں معلومات ݙتی ویندی اے۔ وزیراعظم ست مہینے انسدادپولیومہم دی خود نگرانی کیتی اے ہݨ تئیں ترائے میٹنگ وی انھاں خود کیتن ۔ ایندے توں پہلے وزیراعظم انسدادپولیو دے دوران اپݨی جاناں دے نذرانے پیش کرݨ آلے کارکناں ، ہیروز دے گھر آلیں کوں تے چنڳی کارگردگی ݙکھلݨ آلے پولیوورکرز کوں شیلڈز وی پیش کیتن۔
