اسلام آباد 14اپرېل(اے پی پی)په هېواد كښې روان سياسي صورتحال د خبرو اترو د لارې حل كولو په لړ كښې د پيپلز پارټي لخوا د جوړې كړې كمېټۍ د سيد يوسف رضا ګېلاني په مشرۍ كښې نن د بلوچستان نېشنل پارټي مينګل ګروپ لارښود د سائنس او ټېكنالوجي وفاقي وزير آغا حسن بلوچ٬د توان وزير مملكت هاشم نوتيزئي او سېنېټر نسيمه احسن شاه سره په اسلام آباد كښې ملاقات كړے ۔په ملاقات كښې د كمېټۍ په نورو غړو كښې د كشمير او ګلګت بلتستان چارو صلاحكار قمرزمان كائره٬د تجارت وفاقي وزير سيد نويد قمر هم ګډون كولو۔د جمعې په ورځ د جاري شوي پرېس رېليز له مخې په ملاقات كښې دې خبرې ته اتفاق راغلے چې هېواد د موجوده كېفيت څخه خلاصولو لپاره د خبرو اترو لاره ضروري ده او ټولو سياسي ګوندونو له به په هېواد كښې د جمهوريت استحكام او پرمختګ لپاره د خبرو لاره خپلول وي۔په ملاقات كښې په هم اتفاق راغلے چې په حكومت كښې شامل ټول سياسي ګوندونه به د يو شريكې تګلارې له مخې د خبرو لاره هوارولو له مخلصانه هڅې كوي٬په دې موقع د پيپلز پارټي د مذاكراتي كمېټۍ د پخواني آصف علي زرداري او بلاول بهټو زرداري چيئرمېن د دې عزم هم پخلے وكړو چې پيپلز پارټي د هېواد څخه د بي يقيني كېفيت ختمولو لپاره به خپل متحرك كردار ادا كوي او په دې لړ كښې دا كمېتي جوړه كرې شوې٬مذاكراتي كمېټۍ د دې نه پس د نېشنل ډيموكريټك موومنټ چيئرمېن محسن داوړ او د نېشنل ډيمو كريټك موومنټ انفارمېشن سېكرټري جمال داوړ سره د هغه په استوګنه ملاقات كړے او په هېواد كښې د جمهريت استحكام او د آئين پاسدارۍ په اړه ئې مذاكراتي كمېټۍ ته تقويت وركولو له په ممكن اقدامات غور كړے ۔د كمېټۍ مشر سيد يوسف رضا ګېلاني ووئيل په حكومت كښې د شاملو ټولو سياسي ګوندونو مشرانو او استازوو په مشاورت سره به عمل زر تر زره بشپړ كړے شي او نن په دې لړ كښې مذاكراتي كمېټۍ په حكومت كښې د شاملو دوو مهمو ګوندونو استازو سره د مشاورت عمل بشپړ كړي
د پاكستان پيپلز پارټي د مذاكراتي ډلې د بلوچستان نېشنل پارټي مينګل ګروپ او نېشنل ډيموكرېټك موومنټ لارښودو سره ملاقات
مضمون کا ماخذ : پاور بال کے نتائج
متعلقہ مضامین
