اسلام آباد۔18جولائی (اے پی پی) د سېنېټ مرستيال چيئرمېن سيدال خان د سي پېك، ګوادر بندر او چين سره د مرستې بېلا بېلې پروژې مثالي بللې او وئيلي يې دي چې د چين د پرمختګ او سوكالۍ نوې تګلاره په سيمه كښې مثبت اثرات لري او دا سيمه به د پرمختګ يو نوے دور وويني۔ د چين د ميډيا ګروپ سي جي ټي اېن اردو پروګرام “ټاپ ويو” سره د ځانګړې مرکې په مهال نوموړي ووئيل چې وزيراعظم شهباز شريف د خپل پلاوي سره په دې وروستيو کښې د چين يوه کاميابه دوره کړې ده چې پكښې د سي پېک د فېز ټو نه علاوه د عصري چين اقتصادی نظام څخه استفاده كولو له د تفاهم يو شمېر يادښتونه لاس ليك كړې شوي دي چې پاکستان ته به يۍ زياته ګټه ورسي۔ ده ووئيل دا دوره به د كرنې ٬ دفاع ٬ روغتييا او انفراسټركچر په شمول په بېلو څانګو مثبت اثرات مرتب كړي۔ ده ووئيل د دې دورې په مهال تاريخي لوظنامې وشوې چې ورسره به معاشي وژن وده ومومي او دا ټولې منصوبې به كاميابۍ سره سر ته ورسي۔ په ګوادر كښې د نړيوالې سرمايه كارۍ موقعو او پرمختګ په اړه دوهم چيئرمېن سيدال خان ووئيل سي پېك سره به پاكستان او د ګودار اولس ته ګټه ورسي٬ د ګوادر ځايې وګړي دې منصوبې ته هركلې وايي۔ ده ووئيل د دې منصوبې په ضد چې كومه منفي پروپېګنډا روانه وه حكومت په فعاله ډول هغه ختمه كړه۔ ده ووئيل د بلوچستان زده كوؤنكي د چين په بېلو ادارو كښې زده كړې ترلاسه كوي او ددې ګټه به پاكستان او د بلوچستان اولس ته ورسي۔ د سېنېټ چيئرمېن د پاكستان او چين ملګرتيا د يو مضبوط غر په څير ګرځولو سره ووئيل دواړو هېوادونو په هر سخت وخت كښې د يو بل ملګرتيا كړې ده۔ په دې موقعه د سېنېټ چيئرمېن په پاكستان كښې د مېشته معدنياتو په خاص توګه ذكر وكړو۔ ده ووئيل پاك پروردګار پاكستان او بلوچستان ته بلها معدنيات وركړې دي او پاكستان د نړۍ دوهم هېواد دے په كوم كښې چې په بلوچستان ٬ سندھ او خېبرپښتونخوا كښې زيات معدنيات موندلې شي۔ د معدنیات په څانګه كښې به اړيكې لا زياتول وي۔ ده ووئيل سي پېك او ګوادر د ملګرتيا او باور يو عظيم مثال دے او ددې د لارې مونږ د ژوند په هره څانګه كښې بدلون راوستلو سره د اولس د ژوند معيار ښه كولې شؤ۔
د چين عصري پرمختګ او سوكالي په سيمه مثبت اثرات لري٬ د سينيټ دوهم چيئرمين چينائي ميډيا ګروپ سره خاص مركه
مضمون کا ماخذ : میگا سینا آن لائن
متعلقہ مضامین
