اسلام آباد۔14اکتوبر(اے پی پی) د شنګھائي مرستې تنظيم (اېس سی او) سرمشريزې غونډې كوربتوب پاكستان لپاره په نړيواله كچه د يوې مهمې سفارتي كاميابۍ ښكاره ثبوت دے ٬ د ايس سي او پليټ فارم څخه پاكستان ته د تجارت ٬ سرمايه كارۍ او د توان په څانګه كښې نوې موقعې ترلاسه كيدې شي ، په خاص توګه د چين او روسيه په څير لويو هېوادونو سره د همكارۍ لارې پرانستلې كېدې شي۔ د تفصيلات له مخې د غونډې كوربتوب سره به په نړيواله كچه د پاكستان مقبوليت او اهميت زيات شي۔ د اېس سي او په پلېټ فارم به سيمه ايز امن او استحكام سره سره د ترهګرۍ ٬ نشه ائي توكو او د قاچاق په څير په نورو مسئلو خبرې كولې شي كومې چې په منطقه كښې امن او استحكام ته وده وركولو كښې مرستيالې ثابتېدې شي۔ په كاميابۍ سره د اېس سي او كنفرنس كوربتوب په كولو په نړيواله كچه د پاكستان مثبت تاثر رامخې ته كېدو سره نړيوالو تنظيمونو او هېوادونو سره همكارۍ ته وده ترلاسه كېدې شي۔ د غونډې كوربتوب سره به پاكستان خپلې سفارتي اړيكې ښې او خپل دريځ مضبوط كړې شي۔ دا ډول موقعې يو هېواد كله كله مومي۔ دا د پاكستان د پرمختګ په ډاګه كولو يوه ځانګړې موقع ده۔ دا مهال ګرده نړۍ او په خاص توګه ستر هېوادونه پاكستان ته د وياړ په نظر ګوري۔د دې تنظيم په غړو هېوادونو كښې چين ٬ روسيه ٬ هند ٬ پاكستان ٬ هند او د منځنۍ آسيا رياستونه شامل دي كوم چې په نړيوال سياست او معيشت كښې مهم كردار ترسره كوي۔
د ايس سي او غونډې كوربتوب پاكستان لپاره په نړيواله كچه د يوې مهمې سفارتي كاميابۍ ثبوت دے ٬ د ايس سي او پليټ فارم څخه پاكستان ته د تجارت او سرمايه كارۍ نوې موقعې ترلاسه كيدې شي
متعلقہ مضامین
