وزیراعظم عمران خان دا احساس رعایت راشن سکیم دے اجرا دی تقریب توں خطاب
اسلام آباد۔7مارچ (اے پی پی):وزیراعظم عمران خان آکھیے جو مہانگ دی لہر پاکستان اچ ہی نی پوری دنیا اچ ہے، پاکستان ایں ویلھے دی سستا ملک اے ، مہانگ تے قابو پاوݨ کیتے ٻہوں وݙی سبسڈی ݙیندے پیوں ، ٹیکس وصولی ودھی تاں پٹرول، ڈیزل اتے بجلی سستی کر??تی، 2 کروڑ خاندان احساس رعایت راشن سکیم توں فیدہ چیسن ،رجسٹرڈ لوکاں کوں اٹا ، گھیو اتے دالاں 30 فیصد سستی ملسن ، چھوہریں کوں تعلیم ݙتے بغیر ملک ترقی نی کرسڳدا ، اڄوکے مہینے دے چھیکڑ تئیں سندھ دے سوا ہر صوبے اچ ہیلتھ انشورنس دی سہولت مل ویسی ، کمزور طبقے کوں ترقی دے عمل اچ شامل کر?? ریاست دی ذمہ واری اے۔ انہاں اے ڳالھ سنوار کوں اتھاں احساس رعایت راشن سکیم دے اجرا دی تقریب توں خطاب کریندے ہوئیں آکھی اے ۔ وزیراعظم آکھیے انسانیت دا درد رکھݨ آلا بندہ ہی فلاحی کم کر سڳدے، انسانیت دی خدمت اللہ تعالیٰ کوں ٻہوں پسند اے ، موجودہ حکومت ملک دی تاریخ دا ٻہوں وݙا احس??س پروگرام شروع کیتے جیڑھا جو مدین?? دی ریاست دے روڈ میپ دا حصہ اے، ریاست دی ذمہ واری اے جو جیڑھا طبقہ ترقی اچ پچھوں رہ ڳئے اینکوں ترقی دے عمل اچ شامل کیتا ونڄے ، مدین?? دی ریاست اچ ساریں توں پہلے ایہا کم کیتا ڳیا ہئی تے بیت المال توں غریباں دی مدد کی??ی ویندی ہئی، مدین?? دی ریاست دی بنیاد قانون دی بالادستی، تلویں طبقہ کوں اتے چاوݨ تے مافیاز کوں قانون دے تابع بݨاوݨ تے رکھی ڳئی ہئی وزیراعظم آکھیے جو کورونا توں دنیا اچ ٻہوں تباہی تھئی اے ، لاک ڈاؤن دی وجہ توں کاروبار بند تھی ڳئے امریکہ جیہے ترقی یافتہ ملک اچ وی غریباں کوں بہوں اوکھ تھئی ، ݙیہاڑی دار مزدوراں دی آمدن بند تھی ڳئی ہئی ، ایں ویلھے اساں احس??س پروگرام دے تحت مستحق خانداناں دی مالی معاونت کیتی، عالمی بینک وی احس??س پروگرام کوں دیان اچ ترائے چار وݙے پروگراماں اچ شمار کیتے ، اکانومسٹ دے سروے اچ اے ݙسایا ڳئے جو پاکستان دی حکومت نہ صرف معیشت کوں سنبھالیے بلکہ لوکاں کوں وی کورونا دے اثرات توں بچائے ۔ وزیراعظم آکھیے جو احس??س پروگرام دا 98 فیصد پیسہ خواتین کوں ملدا پئے خواتین دے حقوق دیاں اتھاں وݙیاں ڳالھیں کیتیاں ویندن ، جݙاں تئیں لڑکیاں کوں تعلیم نی ݙ??ی ویندی تے ماواں دی مالی معاونت نی کی??ی ویندی تاں جو آپݨے ٻالاں کوں تعلیم ݙیوا سڳن او تئیں ملک ترقی نی کرسڳدا ۔ وزیراعظم احس??س پروگرام دے تحت مستحق خانداناں دی مالی معاونت تے ڈاکٹر ثانیہ نشتر اتے انہاں دی ٹیم کوں خراج تحسین پیش کیتا۔
مہانگ تے قابو پاوݨ کیتے ٻہوں وݙی سبسڈی ݙیندے پیوں ،2 کروڑ خاندان احساس رعایت راشن سکیم توں فیدہ چیسن ، وزیراعظم عمران خان
مضمون کا ماخذ : خداؤں کی عمر
متعلقہ مضامین
