اسلام آباد 28 جون (اے پي پي)قامي اسمبلۍ د امريكې ايوان نمائندګان د پاكستان په حقله په قرارداد د افسوس څرګندونه كولو سره وئېلي دي پاكستان د يوې قوي او مستحكمې جمهوري ټولنې جوړولو عزم لري٬پاكستان غوندې خپلواكه هېواد پخپلو كورنيو چارو كښې به چاله د لاس وهنې اجازه ورنه كړي٬د ايوان نمائندګان قراراد د پاكستان رياست د كمزوري كولو هڅه ده۔د جمعې په ورځ د قامي اسمبلۍ په غونډه كښې شائسته پروېز ملك د رولز معطل كولو سره د تحريك وړندې كولو اجازه وغوښته٬په اجازه ترلاسه كېدو هغې قرارداد غونډې ته وړاندې كړو د كوم چې په اكثريت سره منظوري وركړې شوه ۔په قرارداد كښې وئېلي شوي دې غونډې د جون په 25مه نېټه د امريكې د ايوان نمائندګان د قرارداد نوټس اغستے ٬دا ايوان پاكستان او امريكا مهم شراكتدار ګڼي٬ايوان د پاكستان د دستور روح يادوي چې پكښې د جمهوريت نړيوالو اقدارو او بشري حقونو تحفظ باوري كړے شوے٬د ايوان د بابائے قوم وژن او د پاكستان اولس هيلو له مخې پد برنو اصولو عزم لري٬ پاكستان د يوې قوي او مستحكمې جمهوري ټولنې قيام له عزم لري٬د امريكې ايوان نمائندګان قرارداد د پاكستان د سياسي او انتخابي عمل په اړه د غلط فهمۍ عكاسي كوي كومه چې د افسوس وړ ده ۔ايوان په دې خبره افسوس لري چې د ايوان نمائندګانو قرارداد كښې د فرورۍ په 8مه نېټه شوو ټول ټاكنو كښې د كروړونو پاكستانيانو د ووټ حق نه دے تسليم كړے شوے٬ د پاكستان غوندې خپلواكه هېواد خپلو كورنيو چارو كښې به چاته د مداخلت كولو اجازه ورنه كړي٬د ايوان نمائندګان قراراد د پاكستان رياست د كمزورې كولو هڅه ده۔د امريكې ايوان كانګرېس پام په غزه كښې روانې نسل كشۍ او د هند غېر قانوني قبضه كړي جمو او كشمير او د هند نورو برخو كښې د اقليتونو په خاص توكه د مسلمانانو د بشري حقونو سنګينو خلاف ورزيو پلو ګرځول غواړو۔دا ايوان د امريكې او نړيوالې ورورولۍ څخه غوښتنه كوي چې هغوي په غزه او د هند په غېر قانوني قبضه كړي جمو كشمير كښې د بشري حقونو د سختو خلاف ورزو مخ نيوي لپاره سمدستي اقدامات وكړي۔دا ايوان د شريك احترام او د برابرۍ په بنياد امريكې سره قوي او ګټورې دوه اړخيزه مرستې له عزم لري٬ايوان هيله لري چې په سباؤن كښې به د امريكې كانګريس د دواړو هېوادونو ترمينځه د دوه اړخيزه اړيكو ودې لپاره زيات تعميري كردار ادا كړي۔د پاكستان حكومت د رابطه كارۍ د لارې امريكې سره دوه اړخيزه مرستې ته وده وركول غواړي دغسې چې دا ډول غلط فهمۍ پیدا نه شي۔په دې موقع په خپلو خبرو كښې شائسته پروېز ملك ووئيل د ايوان نمائندګان قرارداد زمونږ د هېواد په كورنيو چارو كښې لاس وهنه ده او چاته هم د دې اجازه نه ده پكار ۔دې ووئيل دا مهال د پاكستان په خپلواكۍ بريدونه كېږي او د سني اتحاد كونسل غړي د هغوي ملاتړ كوي۔دې ووئيل غېر ملكي طاقتونه د پاكستان داخلي چارو كښې مداخلت كوي ٬ مونږ له به د دې مخ نيوې كول وي۔شګفته جماني خپلو خبرو كښې ووئيل د سني اتحاد كونسل غړو دا رويه شرمناكه ده٬مونږ امريكې ته وائيو چې زمونږ په چارو كښې مداخلت نه مه كوې ٬مونږ څوك په هېواد كښې ترهه ګرۍ كولو ته پرېښودلې نه شوو ۔ملك عقيل ووئيل نن په دې ايوان كښې يو قرارداد وړاندې كړے شوے كوم چې د امريكې ايوان نمائندګانو كښې د تحريك انصاف لابنګ له امله منظور شور٬دا خلق د هېواد دښمنان او د ترهه ګرو ملګري دي٬دوي تل د هېواد ماتولو خبرې كوي٬دا قرارداد په اتفاق سره منظورېدل پكار ؤ ٬ ده ووئېل پاكستان يو خپلواكه هېواد دے ٬ په دې افسوس لرو چې د پاكستان اولس دوي له رائے وركړي خو دوي لابنګ او پي آر فرمز سره په ګډه قراردادونه ټيبل كوي۔عائشه صديقي ووئيل ابسولوټلي ناټ ويونكې اوس ابسلوټلي يس وائي٬دا د امريكې منونكې دي٬د پاكستان په معاملاتو كښې كوم هم طاقت ته د مداخلت حق نشته٬دوي وړومبے په امريكې تور لګولو او نن دوي پخبله ايكسپوز شول
پاكستان د يوې قوي او مستحكمې جمهوري ټولنې جوړولو عزم لري٬خپلو كورنيو چارو كښې به چا له د لاس وهنې اجازه ورنه كړو٬د ايوان نمائندګان قراراد د پاكستان د رياست كمزوري كولو هڅه ده۔د قامي اسمبلۍ قرارداد
مضمون کا ماخذ : sorteos میگا سینا
متعلقہ مضامین
