اسلام آباد – 07 فيبروري (اي پي پي) صدر ممنون حسين ڏکويل انسانيت جي خدمت ۽ ان مقصد جي لاءِ مالي ايثار ۽ خيرخواهي جي ڪوششن کي منظم ڪرڻ جي ضرورت تي زور ڏنو آهي ته جيئن اهي انفرادي ڪوششون اجتماعي ڪوششن ۾ تبديل ٿي وڌيڪ بهترين نتيجا ڏئي سگهن، خلق خدا جي خدمت جي لاءِ پاڪستان ۾ مالي ايثار جي روايت يقينن تمام گهڻي مضبوط آهي ۽ ان ڏس ۾ عالمي سطح تي پاڪستان جو درجو بلند آهي. هن اها ڳالهه نيشنل يونيورسٽي آف سائنس اينڊ ٽيڪنالاجي (نسٽ) ۾ پاڪستان سينٽر فار فلن ٿراپي جي اهتمام هيٺ انفرادي فلن ٿراپي رپورٽ جاري ڪرڻ واري تقريب کي خطاب ڪندي چئي. صدر ممنون حسين چيو ته معاشري ۾ فلاحي ۽ تعميري سرگرمين جو سلسلو ان ئي صورت ۾ وڌي ويجهي سگهي ٿو جڏهن ان معاملي ۾ رياست ۽ نجي شعبو هڪ ٻئي تي اعتماد ڪن ۽ هڪ ٻئي سان گڏجي ڪم ڪن.
مضمون کا ماخذ : میگا ملینز لاٹری
