اسلام آباد۔28فروری(اے پی پی) د خارجه چارو وزير مملكت حنا رباني كھر وئيلي دي پاكستان او كوېت په شريكه ګټه اډانه د ملګرتيا او ورورولۍ ژورې اړيكي لري ٬ د دواړو هېوادونو اولس زړونه له پېړيو راهېسې د يو بل سره تړلې دي٬ د پاكستان او كوېت اړيكې د وخت تېرېدو سره سره لا مستحكمېږي۔ د دې خيالاتو څرګندونه دې د نهې په ورځ په خارجه وزارت كښې د پاكستان او كوېت سفارتي اړيكو 60 مې سالګرې په مناسبت سره راجوړې كړې دستورې ته خطاب كښې وكړه۔ د دستورې اهتمام خارجه وزارت او پاكستان كښې د كوېت سفارت په ګډه كړے ؤ ۔ په دستوره كښې په پاكستان كښې د كوېت سفير ناصر عبدالرحمن جے المطیری، خارجه سېكرټري ډاکټر اسد مجید خان، بهرنيو سفارتكارو ٬ د خارجه وزارت چارواكو ٬ كاروباري شخصيات ٬ د ابلاغ نمائندګانو او نورو مهمو شخصياتو ګډون كولو۔ خارجه وزيرې حنا رباني كھر ووئيل په پاكستان كښې تېر كال د راغلي سېلاب په موقع كوېت د پاكستان په مرسته كولو كښې مهم كردار ترسره كړے۔ پاكستان او كوېت يو بل سره د تاريخ ٬ جغرافيې او زړونو په بنياد ژور تعلق لري۔ دې ووئيل د دواړو هېوادونو ترمينځه د 60 كلنو سفارتي اړيكو دستورې پېل نن شوے ٬ دواړه هېوادونه به د تجارت او معيشت په څانګه كښې اړيكو ته وده وركوي۔ دې ووئيل د كوېت لخوا په وېزا كښې آساني به د پاكستان كاروباري شخصياتو په ګټه وي٬ مونږ په ټولو څانګو كښې مرستې ته وده وركولو له خوښي لرؤ۔ دستورې ته پاكستان كښې د كوېت سفير هم خطاب وكړو۔ ده ووئيل د دواړو هېوادونو ترمينځه د سفارتي اړيكو 60 كاله بشپړ شوي۔ كوېت او پاكستان يو بل سره زړې اړيكې لري٬ كوېت د كال 2005 زلزلې او د كال 2010 او 2022 سېلاب په موقع د پاكستان مرسته كړې ۔ د كورونا وبا په مهال هم دواړو هېوادونو د يو بل مرسته كړې۔ دغسې د كوېت او پاكستان ترمينځه د روغتيا څانګه كښې به مرسته دوامداره ساتلې شي۔ ده ووئيل د پاكستان او كوېت ترمينځه په تجارت او نورو څانګو كښې د همكارۍ پراخه امكانات شته كوم به چې لا مستحكمولې شي۔ ده ووئيل پاكستاني وګړي د كوېت په پرمختګ كښې مهم كردار ترسره كوي۔ دا خبره دې ياده وي چې د پاكستان او كوېت ترمينځه سفارتي اړيكې په كال 1963 كښې پېل شوې وې۔ د پاکستان اوکویت سفارتی اړيكو 60مې سالګرې په موقع د دواړو وروڼو هېوادونو اړيكو سره د اړوندو عسكونو نندارتون اهتمام هم شوے۔ وزیر مملکت او د كوېت سفير په دې موقع د يو مشتركه لوګو مخكتنه هم وكړه۔ دغسې د كوېت سفير خارجه وزيرې حنا رباني كھر له شيلډ وركړو۔ په دستوره كښې د پاكستان او كوېت دوه اړخيزه اړيكو په اړه يو دستاوېزي فلم هم وښودلے شو
پاكستان او كوېت په شريكه ګټه اډانه د ملګرتيا او ورورولۍ ژورې اړيكي لري٬ د خارجه وزيرې حنا رباني كھر د پاكستان او كوېت سفارتي اړيكو 60 مې د سالګرې دستورې ته خطاب
مضمون کا ماخذ : کمپیوٹر لاٹری انعامات
متعلقہ مضامین
.jpg)
.jpg)
