ملګري ملتونه ۔23 اکتوبر(اے پی پی) پاكستان د وګړو د حقونو تحفظ له د خپل عزم پخلي كولو سره ملګرو ملتونو ته وئيلي دي هند په جمو وكشمير كښې د وګړو جبري بې دركۍ د كشميري اولس غږ غلي كولو لپاره كاروي۔ په ملګرو ملتونو كښې د پاكستان مشن كښې فرسټ سېكتر سرفراز ګوهر د جبری بې دركۍ ورکنګ ګروپ سره د انټراېکټو ډائیلاګ په مهال ووئيل پاکستان د هېواد دننه د جبري بې دركۍ چارې ترسره كولو له چمتو پاتې كيږي خو مونږ شخړو لرونكو سيمو كښې په خاص توګه د بهرنۍ قبضې لاندې پاتې كېدونكو هېوادونو كښې په دې حواله اندېښمنې وضعې څخه سترګې پټولې نه شوو۔ ده ووئيل په جمو وكشمير كښې څو ليسزو څخه كشميرے اولس د يرې او تشدد چاپېريال سره مخ دے٬ چرته چې جبري بې دركۍ د قابضو هندي ځواګونو د جبر او ظلم علامتات دي۔ ده ووئيل 8 زره څخه د زياتو كشميريانو په اړه چاته معلومه نه ده چې هغوي چرته دي۔ ده ووئيل د هند لخوا په 5 اګست 2019 د جمو وكشمير خصوصي حېثيت ختمولو څخه وروستو نور 15 زره ځوانان په جبري توګه بې دركه كړے شول چې ورسره د يرې فضا لا زياته شوه۔ ده ووئيل پاكستان د جبرې بې دركۍ په چارو د ملګرو ملتونو وركنګ ګروپ سره خپلې مرستې ته د قدر په سترګه ګوري۔ ده ووئيل مونږ هره معامله په جدي توګه حل كوؤ ولې چې زمونږ پام لرنه د ټولو وګړو د بشري حقونو تحفظ ته ده ۔
هند په جمو وكشمير كښې د وګړو جبري بې دركۍ د كشميري اولس غږ غلي كولو لپاره كاوري : پاكستان
مضمون کا ماخذ : لوٹیریا علاقائی
متعلقہ مضامین
.jpg)
.jpg)
