اسلام آباد 18 اګست (اے پی پی) صدر مملکت ډاکټر عارف علوی د ميرمن ځورونې كېس كښې ملزم ته اورولې شوې سزا زياته كړه، د ميرمن په ځورولو د نیپرا ډائریکټر ته ملازمت څخه د اخوا كولو سزا وركړې شوې۔ صدر مملکت په خپله پريكړه كښې وئيلي چې نامناسب پیغامونه ، دفتری وختونو څخه وروستو د پاتې كېدو وئيل او د غېر اخلاقي غوښتنو منلو څخه د انكار په صورت كښې دھړكې وركول ځورول دي۔ ملزم ددې اعتراف كړے۔ د ایوان صدر پریس ونګ له مخې صدر مملکت د نېشنل الیکټرك پاور ریګولیټری اتھارټی (نیپرا) ډائریکټر ، احمد ندیم (ملزم) دائر کړې شوې اپیل مسترد کولو سره د وفاقی محتسب د اړخه لګولې شوې د “دوه انکریمنټ بندولو ” معمولی سزا بدله كړې۔ صدر مملکت ووئيل د ځورولو په نتیجه كښې ميرمن جذباتی او جسمانی اثراتو سره مخ كېدې هم شي او ددې له امله هغه په صحيح توګه خپل فرائض هم ترسره كولې نه شي۔ صدر مملکت ووئيل ټولو پېښو ، شواهدو ، د سی سی ټی وی فوټیج او واټس ایپ خبرو اترو سره ملزم قصوروار ثابت شوے۔ ځورول او تنګول ثابت شوي دي، ځكه ملزم د څه ډول رعایت مستحق نه دے، هغه ته دے ملازمت څخه د اخوا كولو سزا وركړې شي۔
“چا سره هم د نرمۍ كولو ګنجائش نشته!”، صدر مملکت ملزم ته د مېرمن ځورونې كېس كښې اورولې شوې سزا زياته كړه
مضمون کا ماخذ : raspadinha caixa
متعلقہ مضامین
